قصة رائعة انا بشتغل تاجر هروينا لكل عارف إن المولد هو زيارة الأهل و إهداء الناس
حلويات بتاعت المولد, و أطفال بتروح الموالِد اللي بتُقام في البلاد عشان يركبوا المراجيح و يشتروا الحصان الحلاوة أو العروسة الحلاوة..
و لو سألت ايه هي العروسة الحلاوة أو الحصان, أكيد ف كتير منكم هيعرفها, و اللي مش عارفها هي سكر بيعملوا بيه أشكال, و ده عشان أختصر لك.
لكن ازاي حاجة مصنوعة من السكر قادرة انها تقلب حياتك جحيم.. !
صنم للأكل قادر إنه يقتل عشرات من الناس بدم بارد.. !
عايز تعرف ازاي ؟ انا هقول لك.
طبعا مش هقدر أقول ع اسمي, و هدخل ف القصة ع طول..
انا بشتغل تاجر هروين, شغلانة حلوة و مكسبها في شهر قادر يخليك تعيش ملك بقيت حياتك..
و لازم انك تستغل اي فرصة فيه, و تشغيل المخ هو اساس شغلنا..
و ع حِس الجملتين دول, كنت لازم استغل موسم المولد, و إني أقدر ابيع من غير ما حد ياخد باله ولا يشُك فيا..
و ده اللي انا عملته..
طلبت من الناس إنهم يحشوا الهروين جوا عروسة المولد, و انا هتفق مع اللي هيشتري مني, اني هبقى مستنيه ف المولد و انه يقدر يشتري من غير ماحد ياخد باله مننا.
عملت كرتونتين, واحدة فيها الشغل و التانية فيها عروسة كولد عادية عشان لو حد حب انه يشتري مني..
وقفت ف المولد و انا حاطط الكرتونتين جنب بعض, واحدة مقفولة و التانية اللي فيها العرايس العادية مفتوحة..
فرشت ملاية ع الأرض و بدأت أنادي ع بضاعتي و أقول السعر..
و انا واقف حسيت إني لازم أدخل الحمام, كنت وقتها اتصاحبت ع حد جنبي, طلبت منه ياخد باله من البضاعة لحد ما آجي من الحمام..
سبته و مشيت..
و أخَّرت ف الحمام شوية عشان الزحمة.., و بعد ما خلصت رحعت له, لقيته واقف ع فرشتي و بيطلع عروسة من الكرتونة اللي فيها الهروين و بيديها لعيل صغير، و العيل الصغير بياكل منها بنهم بعد ما كسرها و حط عليها كيس الهروين مفكره سكر بودرة.. ! ...
يتبع ...
قصة رائعة عروسة المولد
عروسة المولد الجزء الثاني والاخير سبته و مشيت.. و أخَّرت ف الحمام شوية عشان الزحمة.., و بعد ما خلصت رحعت له, لقيته واقف ع فرشتي و بيطلع عروسة من الكرتونة اللي فيها الهروين و بيديها لعيل صغير.. جريت عليه بسرعة, خطفت العروسة من ايد الطفل, لقيته بدأ يزعق و امه قالت عليا حرامي, صاحبي فهمها اني صاحب الفرش مش حرامي
. بصيت ع الكرتونة اللي فيها العرايس اللي مفيهاش هروين لقيت الكرتونة فاضية.. لقيت صاحبي قال: - انت شكلك نحس, انت مشيت من هنا و الشغل اشتغل, بعت لك الكرتونة كلها, و فتحت التانية و بعت لك منها كمان. يا نهار اسود.. يا نهار اسود.. لقيته بيقول لي: - ف ايه مالك ؟ زعقت فيه: - انت غبي, ايه اللي انت عملته ده, يا غبي. لقيته مسك فيا و بدأنا نتخانق.. المولد كله اتلم و حاولوا يفضوا الخناقة, و وسط الدوشة اكتشفت ان الكرتونة اللي فيها الهروين مش موجودة !! يا نهار اسود.
دورت كتير, اللي كنت بلاقيه كان بيبقى متكسر ع الأرض و الكيس اللي جواه مفتوح و متبهدل.. و شوفت أطفال كتير بيجروا و هما ف ايديهم العرايس اللي فيها الهروين.. و شوفت بعيني ولد صغير بيكسر عروسة و بيطلع كيس الهروين اللي ف ايديها و بيغرق بيه العروسة و بيلحس فيه !! و انا واقف مكاني من غير حركة ولا صوت..
بعدها سمعت عن حالات وفاة كتير في المولد اللي كنت فيه ف التليفزيون, و أكثر الحالات دي أطفال ! هربت.. استخبيت ف مكان محدش يعرفني فيه, و طالب منكم تسامحوني.. صدقوني مكنش قصدي تمت
اقرا هذه القصة قد تعجبك
تعليقات
إرسال تعليق